1989-cı ildə SSRİ ordusunu Əfqanıstandan çıxaran SSRİ-nin ilk və sonuncu prezidenti Mixail Qorbaçov ABŞ-ın bu ölkəyə girdiyi gündən məğlubiyyətə məhkum olduğunu bildirib.
 
Ovqat.com-un məlumatına görə, Qorbaçov ABŞ-ın Əfqanıstanı işğal edərək özünə böyük ziyan vurduğunu deyib. 
 
Onun fikrincə, Sovet İttifaqı da bir vaxtlar eyni səhvi etmiş və bu səbəbdən də maddi və mənəvi itkilərə məriz qalaraq yıxılmışdı.
 
Əfqanıstanın xarici güclər tərəfindən ələ keçirilə biləcək bir coğrafiya olmadığını düşünən Qorbaçov 2001 -ci ildə ABŞ rəsmilərini bu barədə xəbərdarlıq etmək istəyib, ancaq "təkəbbürlü amerikalılar" onu dinləmək belə, istəməyiblər. 
 
ABŞ-in bu siyasətlə Sovet İttifaqı kimi çökə biləcəyini söyləyən Qorbaçov xatırladıb ki, Vaşinqton İraq və Əfqanıstan səbəbiylə trilyonlarla dollarını boş-boşuna göyə sovurub, əvəzində isə həmin ölkələrə bəladan başqa bir şey gətirməyib.  Onun fikrincə, bu cür siyasətlərdən vaz keçilməsi yalnız həm dünya sülhünə və həm də ABŞ-a fayda verər.