Ötən gündən etibarən sosial şəbəkələrdə və xəbər saytlarında bir nəfərə qarşı zorakılıq yolu ilə şəxsiyyətinin təhqir olunması və ondan pul tələb edilməsi barədə video yayımlanıb. 

Ovqat.com bildirir ki, faktla bağlı Daxili İşlər Nazirliyi "Qafqazinfo"nun sorğusuna cavab verib. DİN-in mətbuat xidmətindən verilən açıqlamada deyilir:

"Həmin video hələ yayımlanmazdan əvvəl Gəncə ŞBPİ Nizami Rayon Polis İdarəsinin əməkdaşları vətəndaş B.Məmmədovun şikayəti əsasında ona qarşı şəxsiyyətinin alçaltmasına cəhd edərək zorakılıq törətməklə pul, mobil telefon, təqaüd kartı verməyi tələb edənlərin E.Yusifov və Z.Mustafayev olduğunu müəyyən edib, onlar tutulub".

Qeyd edilib ki, artıq faktla bağlı cinayət işi başlanıb.