Rusiya 2018 Dünya Çempionatının hazırlıqlarına start verib.

Publika.az xəbər verir ki, Yekaterinburq şəhərində turnirin qonaqları üçün 8 dildə xidmət göstərən 500 multimedia tabletin yerləşdirilməsinə başlanılıb. Səsli və yazılı şəkildə xidmət verəcək tabletlər şəhərin əsas hissələrinə yerləşdiriləcək.

Tatarıstanın paytaxtı Kazan şəhərində isə futbolsevərlər üçün azarkeş bölgəsinin qurulmasına başlanılıb. FİFA-nın qərarı ilə “Kazan Ailə Mərkəzi”nin ərazisi rəsmi olaraq Futbolsevər Festivalına ev sahibliyi edəcək. Turnir çərçivəsində Rusiyaya gedeən turistlərin əksəriyyəti bu bölgədə istirahət edəcək.

Qeyd edək ki, 2018 Dünya Çempionatı 14 iyun - 15 iyul tarixlərində Rusiyanın 11 şəhərində: Moskva, Kallininqrad, Sankt Peterburq, Volqoqrad, Kazan, Nijniy Novqorod, Samara, Saransk, Rastov na Don, Soçi və Yekaterinburqda keçiriləcək. Turnirin açılış və bağlanış matçları paytaxt Moskvadakı “Lujniki” stadionunda baş tutacaq.