Xəbər lenti

 

Azərbaycanın idman gimnastı Marina Nekrasova Tokio-2020 Yay Olimpiya Oyunlarına lisenziya qazanıb.

“Report”un məlumatına görə, 24 yaşlı idmançı buna Almaniyanın Ştutqart şəhərində keçirilən dünya çempionatında çoxnövçülük üzrə fərdi yarışdanail olub. Bu, Azərbaycanın 8-ci lisenziyası olub.

Qeyd edək ki, bunadək Ruslan Lunyov pnevmatik tapança ilə 25 metr məsafəyə atəşaçmada Tokio-2020 XXXII Yay Olimpiya Oyunlarına vəsiqəni təmin edib. Həmçinin sərbəst güləşçi Şərif Şərifov (97 kq), qadın güləşçi Mariya Stadnik (50 kq), atletikanın çəkicatma növündə Anna Skidan, üzgüçü Maksim Şemberev (400 metr), eləcə də bədii gimnastikada çoxnövçülük üzrə fərdi qaydada Zöhrə Ağamirova və qrup komandası “Tokio-2020”yə vəsiqə qazanıblar.




Ana səhifəyə qayıt        Baxış: 532          Tarix: 7-10-2019, 10:07      

Xəbəri paylaş


Paylaş:   

Prizma