“Avropa İttifaqının Minskə qarşı tətbiq edəcəyi sanksiyalardan qaçmaq niyyətilə Rusiya vətəndaşları Belarusda saxlanılıb”.
 
Ovqat.com xəbər verir ki, rusiyalı politoloq Dmitri Bolkunets bu fikirdədir.
 
O, avqustun 3-də "Rossiya 1" telekanalının "60 dəqiqə" verilişində çıxışı zamanı deyib ki, seçkidən sonra Belarusda iğtişaşlar baş verə bilər: “Qərb bu halda Belarus rəhbərliyinə qarşı sanksiyalar tətbiq edəcək. Onların qarşısını almaq üçün Rusiya vətəndaşları saxlanılıb və bu ssenari üzərində plan qurulub. Bu, dinc etirazçıların küçəyə çıxmadığını xarici dövlətlərə göstərməyə imkan verəcək.
 
"İndi baş verənlər ilk hal deyil. Niyə bu təxribat yarana bilərdi? Çünki Belarus hakimiyyəti seçkilərdən sonra etirazçıların dağıdılması üçün sanksiyalardan qorxur", - politoloq bildirib.
 
Bolkunets əmindir ki, "Aleksandr Lukaşenkonun Qərbə dönüşü" baş verib.
 
Qeyd edək ki, iyulun 29-da Minsk rayonlarından birində Belarusun hüquq-mühafizə orqanları Rusiyanın 33 vətəndaşını saxlayıblar. Onları "Vaqner" ÇVK-nın əməkdaşları olduqlarını və ölkədə iğtişaşlar hazırlamaqda günahlandırıb.