Sentyabrın 3-də keçirilən iclasda Ermənistan hökuməti "Ermənistan və Qazaxıstan Hökumətləri arasında ticarət-iqtisadi əməkdaşlıq haqqında sazişin ratifikasiyası haqqında" qanun layihəsini təsdiqləyib.
 
Ovqat.com erməni mediasına istinadən xəbər verir ki, ratifikasiya sazişdə Ermənistana neft məhsullarının tədarükü nəzərdə tutulub.
 
Sazişə əsasən, Qazaxıstandan Ermənistana nəql olunan neft məhsulları gömrük rüsumlarından azad ediləcək.
 
Layihənin əsaslandırılmasında deyilir ki, bu sazişin bağlanması tərəflər arasında neft məhsullarının çatdırılması sahəsində əməkdaşlığın tənzimlənməsi zərurətindən doğub.
 
Saziş iki ölkə arasında uzunmüddətli ticarət-iqtisadi münasibətləri hüquq bərabərliyi və qarşılıqlı faydalar əsasında inkişaf etdirməyə imkan verəcək.
 
Bu, iki ölkə arasında qarşılıqlı surətdə faydalı əməkdaşlığa, ticari-iqtisadi əlaqələrin inkişafı üçün əlverişli şəraitin yaradılmasına, işgüzar fəallığın artırılmasına kömək edəcək.