“Misir Azərbaycan-Ermənistan sərhədində baş verən hadisələrdən narahatdır və BMT Təhlükəsizlik Şurasının qətnamələri çərçivəsində Azərbaycanın haqlı mövqeyini dəstəkləyir”.
 
Ovqat.com xəbər verir ki, Misirin Xarici İşlər nazirinin müavini Bədir Əbdül-Ati Azərbaycanın bu ölkədəki səfiri Tural Rzayevlə dünənki görüşündə belə deyib.
 
Ölkəsinin rəsmi mövqeyini Azərbaycan səfirinə çatdıran nazir müavini bildirib ki, Misir İslam Əməkdaşlıq Təşkilatının üzvü olan Azərbaycanın ərazi bütövlüyünü və suverenliyini tanıyır, onun Ermənistanla problemlərini hərbi yolla deyil, sülh danışıqları ilə həll etməyinin daha doğru olacağını düşünür.