Dekabrın 1-də Kollektiv Təhlükəsizlik Müqaviləsi Təşkilatının Nazirlər Şurasının iclası keçiriləcək.
 
Ovqat.com xəbər verir ki, Rusiya XİN-in rəsmi nümayəndəsi Mariya Zaxarova bunu açıqlayıb.
 
Zaxarova bildirib ki, KTMT XİN Surasının videokonfransı Sergey Lavrovun sədrliyi ilə keçiriləcək. Görüşün gündəliyinə qlobal və regional təhlükəsizliyin vəziyyəti və inkişaf perspektivləri, KTMT-nin fəaliyyətinin müxtəlif aspektləri ilə bağlı məsələlər daxil edilib.
 
"KTMT-nin toplantısında BMT ilə birgə fəaliyyətinə və sülhməramlılıq problemlərinə xüsusi diqqət yetiriləcək".
 
Toplantının Laçının işğaldan azad olunacağı gününə salınması maraq doğurur. 
 
Qeyd edək ki, dünən rus “sülhməramlı”larının Laçındakı ermənilərə noyabrın 30-na qədər rayonu boşaltmaları barədə göstəriş verdikləri xəbəri yayılmışdı.