“Azərbaycanın nəzarətinə keçən ərazilər geri qaytarılacaq”.
 
Ovqat.com xəbər verir ki, Qondarma “DQR”-nın Təhlükəsizlik Şurasının katibi Vitali Balasanyan “Dağlıq Qarabağ”ın İctimai Televiziyasına verdiyi müsahibədə belə deyib.
 
O, erməni icmasını əmin edib ki, Dağlıq Qarabağla Azərbaycan arasındakı sərhədlər müəyyənləşdiriləcək və daha sonra status məsələsi gündəmə gətiriləcək: “Əsgəran, Hadrut və digər bölgələrin əraziləri Azərbaycan Silahlı Qüvvələrinin nəzarəti altında qalmayacaq. Biz bu əraziləri qaytaracağıq. Xalqımızı bu işi görəcəyimizə inandırmaq istəyirəm”, - Balasanyan belə deyib.
 
O, bildirib ki, hərbi əməliyyatlar zamanı qələbələr də ola bilər, məğlubiyyətlər də: “Amma biz məğlub olmadıq, diz çökmədik. İndi Azərbaycan hansı vəziyyətdədir; mötərizə açmaq istəmirəm və hansı vəziyyətdə olacağını görəcəyik”.
 
Bir hissəsi bu gün yayımlanan müsahibənin tamamı 28 dekabrda efirə veriləcək.