Ötən gün məlum olub ki, işğal altında olan Qarabağdakı qondarma qurumun “təhülkəsizlik şurasının keçmiş katibi” Vitali Balasanyan İrəvana gedib və Ermənistan Baş naziri Nikol Paşinyanla görüşüb, lakin görüş haqqında rəsmi məlumat səslənməyib.

Fakt özlüyündə qəribədir, çünki Balasanyan radikal müxalifətdir və həmişə Paşinyanı tənqid edirdi. Tərəflər hansı məsələlərin müzakirə olunması ilə bağlı detalları açıqlamaq istəmirlər.

Ermənistan Baş nazirinin mətbuat katibi KİV-lərə bildirib ki, ikitərəfli görüş olub, söhbətdən xəbərdar deyil. Balasanyan isə görüş faktını təsdiq edərək yalnız deyib ki, hər şey yaxşı olacaq.

“Hraparak” nəşri yazır ki, Balasanyanın səfərinin məqsədi Azərbaycan ordusunun azad etdiyi ərazilərdən birini qaytarmaqla bağlı əməliyyat hazırlamaq üçün Paşinyandan icazə almaq olub.

Balasanyan deyib ki, vəziyyət ümidverici deyil və ordu ilə döyüşlərin taktikasının hazırlanmasında iştirak etməyə dair ona icazə verməlidirlər, üstəlik, istiqamətlərdən birinin qaytarılması əməliyyatını ona həvalə etməlidirlər. Deyəsən bu şərtlə razılıq alıb ki, bu əməliyyatı Ermənistan Silahlı Qüvvələrinin Baş Qərargah rəisi Onik Qasparyanın birbaşa nəzarəti ilə və onunla razılaşdırılmış şəkildə həyata keçirəcək.

Ordu.az