Bakı Nəqliyyat Agentliyinin direktoru Vüsal Kərimli haqqında mətbuatda yeni bir iddia səsləndirilib.

Jurnalist Orxan Məmmədov BNA-nı qərəzli davranmaqda günahlandıraraq əlində qurumun sədri Vüsal Kərimlinin "Tesla" markalı avtomobilini saatda 180 km sürətlə idarə edən videogörüntüsünün olduğunu qeyd edib.

O.Məmmədov həmçinin vurğulayıb ki, BNA haqqında hansısa irad bildirdikdən sonra avtomobili cərimələnir.

"Yadınıza gəlirsə bir neçə gün öncə yazmışdım ki, biz BNA haqqında material verən kimi mənə məxsus maşına cərimə yazılır. 

Deməli, bizim evin yanında – Nəsimi rayonu, 28 May küçəsində "parking" nişanı olan ərazidə maşın saxladığıma görə 20.12.2019 tarixində daha bir cərimə tətbiq olunub. 

Bunu da bu gün evimə etdiyim bazarlığı qaldırmaq üçün məlum yerdə saxladığıma görə toplanmış 180 manat parking cəriməsini ödəyəndə gördüm. 

Bunun artıq başqa adı yoxdu. BNA şəxsi-qərəzlik edir. 

Hər dəfə "Facebook" statuslarıma, "WhatsApp"da cavab verən Mais Ağayev, əgər bu məsələ bitməsə, Teslanın saatda 180 ilə necə gedə bilər videosunu paylaşacağam".

Qeyd edək ki, Bakı Nəqliyyat Agentliyi mətbuatda cə sosial şəbəkələrdə ən çox tənqid olunan dövlət qurumlarındandır.\\Yeni Sabah