Xəbər lenti


Amerikanın “Associated Press” nəşri Azərbaycan-Ermənistan sərhədində hökm sürən gərgin vəziyyətə toxunub və İrəvandakı müxbirinin məqaləsini təqdim edib.

Məqalədə qeyd olunub ki, ağır artilleriya və PUA-ların tətbiqi ilə silahlı toqquşmalar nəticəsində iki tərəfdən ən azı 16 nəfər ölüb.

“Bazar günü iki Cənubi Qafqaz ölkəsi arasında qarşılıqlı atışma başlayıb. Azərbaycan bildirib ki, 11 hərbi qulluqçu və 1 mülki şəxs itirib, Ermənistan 4 hərbçinin ölümü barədə bildirib”, - deyə məqalədə bildirilir.

Qeyd olunub ki, son günlərdə baş verən toqquşmalar 2016-cı ilin Aprel döyüşlərindən sonra ən ciddi toqquşmalardır.

Həmçinin vurğulanıb ki, Azərbaycanla yaxın etnik və mədəni əlaqələrə sahib olan Türkiyə münaqişə məsələsində Bakıya dəstək bildirib.



Ana səhifəyə qayıt        Baxış: 3 206          Tarix: 15-07-2020, 07:44      


Paylaş: