Paşinyan Qarabağda müharibə başlayandan bəri 5-ci dəfə Rusiya prezidentinə zəng edib. Bu dəfə o, Putini 68-ci yaş günü bəhanəsiylə arayıb. Təbrikdən sonra isə iki lider Qarabağdakı vəziyyəti müzakirə ediblər.
 
Ovqat.com Ermənistan Nazirlər Kabinetinin mətbuat xidmətinə istinadən xəbər verir ki, Paşinyan Putini “səmimi qəlbdən” təbrik edib, ona dövlət başçısı vəzifəsində uğurlar arzulayıb.
 
Rəsmi yaltaqlanma mərasimindən sonra tərəflər Azərbaycan ordusunun Dağlıq Qarabağda apardığı əməliyyatı masaya yatırıblar. Məlumatda Putinin Paşinyana nə dedidyi bildirilmir. Amma həmin zəngdən az əvvəl istər Putin, istərsə də sözçüsü kifayət qədər açıq şəkildə Rusiyanın mövqeyini ortaya qoymuşdular. Yəqin ki, Putin eyni sözləri bir az da kobud şəkildə Paşinyanın üzünə deyib.
 
Putinin ad günündə zəhləsini tökən bu adamla danışandan sonra nə hala düşdüyünü təsəvvür etmək çətin deyil.