Xəbər lenti
 
Cəmiyyətimiz hər gün intihar xəbərləriylə çalxalanır. Bu gün növbəti intihar cəhdi xəbəri Şəmkirdən gəlib.
Ovqat.com APA-ya istinadən xəbər verir ki, Şəmkirdə 38 yaşlı qadın özünü yandırıb.
Agentliyin qərb bürosunun verdiyi məlumata görə, hadisə bu gün günorta saatlarında Şəmkir şəhərində qeydə alınıb.
Rayon sakini 1979-cu il təvəllüdlü Sevinc Hüseynova üzərinə benzin tökərək özünü yandırıb. O, əvvəlcə rayon Mərkəzi xəstəxanasına, daha sonra Gəncəyə, oradan isə Bakıda olan aidiyyatı üzrə xəstəxanaya aparılıb. Qadının hansı səbəbdən özünü yandırdığı hələ ki, məlum deyil.
Faktla bağlı Şəmkir rayon Polis Şöbəsində araşdırma aparılır.
Qeyd edək ki, hadisə bu gün mətbuata yol tapan ikinci intihar cəhdidir. İlk üzücü xəbər isə Balakəndən gəlmişdi. Rayonun Qaysa kənd sakini, 1967-ci il təvəllüdlü Rəfael Əli oğlu Nuriyev yaşadığı evin tavanından özünü asaraq canına qəsd etmişdi.
Ovqat.com



Ana səhifəyə qayıt        Baxış: 567          Tarix: 5-04-2017, 23:46      


Paylaş: