1 saylı Tibbi Klinik Mərkəzin (“Semaşko") direktoru Qafarov İlham Heydər oğlu işdən çıxarılıb.
Tibbi Ərazi Bölmələrini İdarəetmə Birliyi (TƏBİB) İdarə Heyətinin sədri Ramin Bayramlının əmri ilə onun yerinə Mingəçevir Şəhər Mərkəzi xəstəxanası publik hüquqi şəxsin direktoru Könül Ələkbərov təyin olunub.
***
Akademik M.Mirqasımov adına Respublika Klinik Xəstəxanasının baş həkimi Telman İbadov işdən çıxarılıb.
Musavat.com xəbər verir ki, Tibbi Ərazi Bölmələrini İdarəetmə Birliyi (TƏBİB) İdarə Heyətinin sədri Ramin Bayramlının əmri ilə onun yerinə Yevlax Rayon Mərkəzi Xəstəxanasının publik hüquqi şəxsin direktoru Azər İsmayılov təyin olunub.
Qeyd edək ki, Telman İbadov 2020-ci il Naxçıvan Ali Məclisinə seçimlərində 45 saylı Aza dairəsindən Yeni Azərbaycan Partiyasının (YAP) namizədi olub və deputatı seçilib.

Qeyd edək ki, bir qədər əvvəl Prezident İlham Əliyevin sərəncamı ilə Oqtay Şirəliyev Azərbaycan Respublikasının səhiyyə naziri vəzifəsindən azad edilib. İşdən çıxarılanlar da onun kadrları hesab olunur. 
Qeyd edək ki, bu yaxınlarında həbs olunan səhiyə işçiləri də Oktay Şirəliyevə yaxın şəxslər hesab olunurdu. 
"AzPolitika.info"