Dekabrın əvvəllərində yerli KİV-də Naxçıvan Muxtar Respublikasının İqtisadiyyat Nazirliyi yanında Dövlət Vergi Xidmətinin rəis müavini Nihad Məhəmmədzadənin vəzifəsindən azad edilməsi barədə məlumat dərc olunub.

Yeniavaz.com xəbər verir ki, N. Məhəmmədzadə işdən çıxarıldığına görə Naxçıvan Muxtar Respublikası Ali Məclisi barədə məhkəmə iddiası qaldırıb.

Belə ki, Naxçıvan Şəhər Məhkəməsində hakim Gülnar Səfərəliyevanın sədrliyi ilə baxılacaq işin mahiyyəti “Əmək mübahisələri - İşə bərpa” ilə bağlıdır.

Nihad Məhəmmədzadə

Qeyd edək ki, N. Məhəmmədzadə həmin vəzifəyə Ali Məclis sədrinin 14 iyul 2023-cü il tarixli Sərəncamı ilə təyin olunmuşdu.