Meksikanın “Tiqres” və ABŞ-ın “Hyuston Deş” qadın komandaları arasında keçirilmiş yoldaşlıq matçı qalmaqalla yadda qalıb.

Oxu.Az xəbər verir ki, Meksikada keçirilən oyun başa çatdıqdan sonra yerli tərəfdarlar tribunalara yaxınlaşan Sofia Uerta ilə şəkil çəkdirməyə başlayıb.

Səbəb onun Meksika əsilli olması olub. Ancaq azarkeşlərdən biri selfi çəkdirərkən futbolçunun döşündən tutub. Lakin qadın futbolçu buna əhəmiyyət verməyib. 

Bununla belə, şəkil sosial şəbəkələrdə yayılınca, tənqidlərə səbəb olub. Hətta “Tiqres” klubu rəsmi açıqlama yayaraq həmin azarkeşin şəxsiyyəti müəyyənləşəcəyi halda, ona komandanın oyunlarına qadağa qoyulacağını bildirib. Həmçinin, ABŞ klubu da rəqib komandanı dəstəkləyən açıqlama yayıb.