Azərbaycanın futbol üzrə qadın millisinin iki futbolçusu Rusiya klubuna transfer olunub.

Oxu.az xəbər verir ki, bunu “Torpedo” qadın futbol klubunun baş məşqçisi Konstantin Kayqorodov deyib.

“Bizə Azərbaycan millisinin iki oyunçusu – Vüsalə Hacıyeva və Arzu Əliyeva qoşulub. Onlar bizim komandaya kömək etməyə çalışacaq”, - deyə baş məşqçi bildirib.

Qeyd edək ki, hər iki futbolçu “Sumqayıt” klubu ilə ötən mövsüm Azərbaycan çempionu olub. Vüsalə Hacıyeva həmçinin ötən mövsümün ən yaxşı futbolçusu adına layiq görülüb.