Məlum olduğu kimi, Azərbaycan tərəfi Hadrutun iki kəndi - Böyük Tağlar və Çaylaqqala kəndlərindəki bir qrup erməni silahlısını zərərsizləşdirmək üçün anti-terror əməliyyatı keçirib. 

“AzPolitika.info” xəbər verir ki, erməni mətbuatı həmin kəndlərin “icra nümayəndələri”nə istinadla əməliyyat nəticəsində 10 erməninin əsir düşdüyünü yazıb.

“Azadlıq Radiosu”nun Ermənistan bürosuna açıqlama verən “icra nümayəndələri” qeyd ediblər ki, həmin ermənilər dekabrın 12-də Azərbaycan silahlı qüvvələri tərəfindən əsir götürülüblər: “Hadrutun Xin Taxer və Xtsaberd (Böyük Tağlar və Çaylaqqala-red.) kəndlərinin başçıları təsdiq ediblər ki, erməni tərəfdən 10 nəfər əsir düşüb.”

Bu hadisə ilə bağlı məlumat verən “news.am” saytı isə yazır ki, Azərbaycan Ordusunun dekabrın 12-də keçirdiyi əməliyyat nəticəsində həmin kəndlər Azərbaycanın nəzarətinə keçib.