«AzPolitika.info»-nun xarici KİV-ə istinadla verdiyi xəbərə görə, Amerika Birləşmiş Ştatları hərbi-hava qüvvələrinin (ABŞ HHQ) MQ-9 Reaper pilotsuz uçan aparatları və 90 hərbçisi Rumıniyanın Kımpiya-Turziy şəhərindəki aviabazada yerləşdirilib. Bu barədə ABŞ HHQ Avropa və Afrika komandanlığı xəbər verir.

«ABŞ hərbi-hava qüvvələri MQ-9 Reaper uçan aparatlarını və 90 nəfərə yaxın HHQ qulluqçusunu NATO əməliyyatlarına dəstək üçün informasiya toplamaq, müşahidə və kəşfiyyat məqsədilə Kımpiya-Turziy şəhərindəki 71-ci aviabazada yerləşdirib» - komandanlığın press-relizində deyilir.

Qeyd olunur ki, PUA-lar və hərbi qulluqçular Rumıniyada «uzun müddətə» yerləşdirilir, ancaq məhz hansı müddət olduğu götərilmir.
General Ceferi Harriqanın qeyd etdiyi kimi, PUA-ların bölgədə yerləşdirilməsi «müttəfiqləri və həmkarları arxayınlaşdırır», ancaq eyni zamanda düşmənlərə işarə edir ki, ABŞ HHQ «yaranan istənlən təhlükəyə» cavab verə bilər.

İyun ayında məlum olub ki, MQ-9 Reaper müvəqqəti olaraq Estoniyaya tullanır. Qeyd edilir ki, yerdəyişmənin məqsədi ABŞ-ın NATO üzrə müttəfiqlərinin kəşfiyyat missiyasına dəstək verməkdən ibarətdir.