Xəbər lenti
Pnevmoniya koronavirus xəstələrinin əksəriyyətində ilk gündən buzlu şüşə sindorumu yaradır. Bu, virus mənşəli pnevmoniyadır. Xəstələrin demək olar ki, hamısında bu sindroma rast gəlinir.

Bunu Teleqraf.com-a açıqlamasında Azərbaycan Tibb Universitetinin dosenti, infeksionist İlham Bayramov deyib.

O bildirib ki, pnevmoniya - xəstəliyin ağırlaşması kimi qiymətləndirilsə də bəzən ilkin gündən müşahidə olunur:

“Pnevmoniyanın sağalması orqanizmin immunitet sistemindən asılıdır. Eyni zamanda qəbul etdiyi dərmanların təsirinə, müalicənin nə qədər tez başlamasına görə sağalma dövrü dəyişir. Elə xəstələr var ki, 1 həftə, 10 günə sağalır. Yanaşı xəstəliklərlə, yəni diabet, hipertoniya, ürək çatışmazlığı, qaraciyər çatışmazlığı, digərlərilə müşayiət olunduquda müalicə müddəti uzana bilər. Bəzən 21 gün müddətinə qədər vaxt alır”.

İlham Bayramov qeyd edib ki, pnevmoniya kəskin tənəffüs çatışmazlığı ilə ağırlaşraq, nəfəs darlığı, boğulma ilə nəticələnir: “Elə xəstələr var ki, onların immunitet sistemi zəifdir. Xəstəliyin gedişatı orqanizmin fərdi xüsusiyyətlərindən asılıdır”.



Ana səhifəyə qayıt        Baxış: 2 505          Tarix: 7-07-2020, 16:13      


Paylaş:   

Ən çox oxunanlar