Xəbər lenti

Özünü “Əfqanıstanın Çarli Çaplini” adlandıran Kərim Əsir Kabilin tozlu küçələrində səssiz filmlər nümayiş etdirir.

25 yaşlı Kərim intiharçı hücuma şahid olduğunu, performansına görə həyatına qarşı müxtəlif cür təhdidlərlə qarşılaşdığını bildirir. Ancaq o, müharibənin viran qoyduğu bu şəhərin insanlarına gülüş bəxş etməkdə israrlı olduğunu deyir.

“Mənim məqsədlərimdən biri insanlara Əfqanıstanda müharibə, münaqişə və təhlükəsizlik kimi problemləri unutmağa şans yaratmaqdır. İnsanların bu problemləri unudub, əylənmələrini istəyirəm.” – deyə, Kərim bildirib. Stanp-up komediyaçısı bütün paytaxtda Çaplinin makyajlı və şapkalı avara obrazı kimi tanınır. Kərimin sözlərinə görə, militantlar onu anti-islam olmaqda günahlandıraraq, təhdid edirlər. Bir zamanlar Əfqanıstan böyük musiqi və sənətkarlıq mədəniyyətinə malik idi. Lakin Talibanın idarəetməsi altında bir çox mədəni tədbirlər qadağan edildi.

“Mən bomba hədəfi olmaqdan və ya ya öldürülməkdən qorxuram. Ancaq bunlar mənə öz sənətimi nümayiş etdirməyimi mane ola bilməz.” – deyə, Kərim əlavə edib.

Kərim və onun ailəsi 1990-cı illərdə, Talibanın Əfqanıstanı ələ keçirməsindən sonra İrana köçmək məcburiyyətində qalıb. O İran tv-lərinə baxaraq, Çaplinin hərəkətlərini əzbərləyərək böyüyüb.

Kabilə qayıtdıqdan sonra isə o Çaplinin məşhur görünüşünü yenidən yaratmağa başladı. O, beynəlxalq təşkilatların köməkliyi ilə uşaq evlərində təşkil olunan xeyriyyə tədbirlərində öz performansını nümayiş etdirir. Valideynlərinin ilk tərəddüdlərinə baxmayaraq, Kərim indi ailəsi üçün qürur mənbəyi olduğunu söyləyir. (Amerikanın Səsi)

 




Ana səhifəyə qayıt        Baxış: 112          Tarix: 14-09-2018, 15:22      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent