Qazaxıstanın Miqrasiya Xidiməti tərəfindən aparılan əməliyyat nəticəsində tikintidə qanunsuz əmək fəaliyyəti ilə məşğul olan 13 Azərbaycan vətəndaşı saxlanılıb.

"Report" "Zakon.kz" nəşrinə istinadən xəbər verir ki, yoxlama zamanı həmçinin onların Şimali Qazaxıstan vilayətində qeydiyyatsız yaşadıqları ortaya çıxıb.

Belə olan halda Azərbaycan vətəndaşları Qazaxıstan Respublikası İnzibati Xətalar Məcəlləsinin 517-ci maddəsinin eyni anda iki hissəsi üzrə qanun pozuntusuna yol vermiş olublar.

Faktla bağlı inzibati protokol tərtib edilib. Toplanan materiallar məhkəməyə göndəriləcək. Orada həm işçilərin, həm də işverənlərin məsuliyyətə cəlb edilməsi məsələsinə baxılacaq.