Dünən axşam saatlarında Suriyanın İdlib vilayətinə daxil olan Türkiyə Silahlı Qüvvələri ilk nəzarət məntəqələrini qurmağa başlayıb.

Publika.az “Anadolu” agentliyinə istinadən xəbər verir ki, bu haqda Türkiyə Silahlı Qüvvələri Baş qərargahından bildirilib.

Eyni zamanda, Türkiyə Silahlı Qüvvələrinin İdlib əməliyyatından ilk fotoşəkil paylaşılıb. Məlumata görə, Suriya torpaqlarına daxil olan türk hərbçiləri İdlibdə coşğu və sevinclə qarşılanıb. Suriyalılar türk hərbçiləri qarşılayarkən “Çox yaşa, türk əsgəri” şüarları səsləndiriblər.