Qətərin Baş naziri və xarici işlər naziri Şeyx Məhəmməd bin Əbdülrəhman Əl-Tani Tehrana səfər edib

Səfərlə bağlı Qətər Xarici İşlər Nazirliyinin açıqlama yayıb. Açıqlamada qeyd olunur ki, əl-Tani İranın Ali Milli Təhlükəsizlik Şurasının katibi Əli Laricani ilə Yaxın Şərqdəki vəziyyətin deeskalasiyası səylərini müzakirə edib:

 "Görüş zamanı tərəflər regionda vəziyyətin deeskalasiyası üçün davam edən səyləri müzakirə ediblər. Qətər Baş naziri Dohanın "təhlükəsizlik və sabitliyin möhkəmləndirilməsinə töhfə verən gərginliyin azaldılmasına və dinc həll yollarının tapılmasına" yönəlmiş istənilən təşəbbüsü dəstəklədiyini vurğulayıb”.

İran Xarici İşlər Nazirliyinin sözçüsü Esmail Baqainin sözlərinə görə, Qətər Baş naziri İslam Respublikasının xarici işlər naziri Abbas Aragchi ilə də görüşüb.

Şeyx Məhəmməd bin Əbdül Rəhman Əl-Taninin İrana səfəri Yaxın Şərqdə gərginliyin artması və Vaşinqton və Tehranın qarşılıqlı təhdidləri fonunda baş tutub. Qətər dəfələrlə iki tərəf arasında vasitəçi kimi çıxış edib.