ABŞ prezidenti Donald Trampın İsrail baş naziri Benyamin Netanyahu, İordaniya kralı Abdullah və Fələstin lideri Mahmud Abbasla həyata keçirdiyi telefon danışıqlarından sonra Ağ Evdən Qüdslə bağlı gözlənilən açıqlamasının təxirə saldığı bildirilib.

Sputnik Azərbaycan bu barədə Milliyet-ə istinadən bildirir.

Qeyd edək ki, Donald Trampın ABŞ-ın İsraildəki səfirliyinin Təl-Əvivdən Qüdsə köçürülməsi barədə açıqlama verəcəyi gözlənilirdi.

ABŞ-ın İsraildəki səfirliyinin Təl-Əvivdən Qüdsə köçürülməsi barədə müvafiq qanun 1995-ci ildə qəbul olunub, lakin elə həmin dövrdən bu günədək onun qüvvəyə minməsi prezidentlər tərəfindən təxirə salınır.