Almaniya Xarici İşlər Nazirliyinin mətbuat katibini müavini Xristofer Burger və Fransa Xarici İşlər Nazirliyi sözçüsü Agnes Von Der Mühll Səudiyyə Ərəbistanlı jurnalist Camal Qaşıqçı mövzusunda narahat olduqlarını bildirib.

Open.az Almaniya mətbusatına istinadən xəbər verir ki, Burger, bu gün Berlində keçirilən mətbuat konfransında Səudiyyə Ərəbistanından olan jurnalist Camal Qaşıqçının itkin düşməsiylə bağlı açıqlama verib: "Məşhur jurnalist Camal Qaşıqçının taleyindən narahatıq" deyən Burger, hadisənin sürətli şəkildə işıqlandırılmasının vacib olduğunu və buna töhfə verəcək, hər kəsin səfərbər olmasının vacibliyini vurğulayıb.

Burger, hadisə ilə bağlı spekulyasiyalara düşməyəcəyini də sözlərinə əlavə edib.

Fransa Xarici İşlər Nazirliyi Sözçüsü Agnes Von Der Mühll ölkəsinin Camal Qaşıqçının itməsindən narahatlıq duyduğunu bildirib. Mühll, Səudiyyə Ərəbistanının İstanbul Baş Konsulluğuna daxil olduqdan sonra ondan xəbər almayan Vaşinqton Post Yazarı Səudiyyə jurnalisti Qaşıqçının vəziyyətinə dair yazılı bəyanat verib.

"Fransa tanınmış və mötəbər bir səudiyyəli şəxsiyyət olan Camal Qaşıqçının itkin düşməsindənnarahatlıq duyur" ifadələrini işlədən Mühll, hadisənin tezliklə aydınlaşdırılmasını arzu etdiklərini bildirib.