ABŞ-ın İraqdakı iki bazasına İranın raket zərbələri nəticəsində 50 hərbçi yaralanıb.

TASS-ın məlumatına görə, bu barədə  ABŞ Müdafiə Nazirliyinin rəsmi nümayəndəsi, general-polkovnik Tomas Kempbell bəyan edib.

Bütün hərbçilərə beyin sarsıntısı diaqnozu qoyulub. Kempbell zərərçəkənlərin sayının arta biləcəyini vurğulayıb.

Xatırladaq ki, yanvarın 8-nə keçən gecə İran İslam İnqilabı Keşikçiləri Korpusu ABŞ-ın İraqdakı hərbi obyektlərinə raket hücumu həyata keçirib.

Hücum Bağdadda “Əl-Qüds” xüsusi təyinatlı qüvvələrinin komandanı, general Qasım Süleymaninin  ABŞ-ın hava hücumu nəticəsində öldürülməsinə cavab idi.

Oxu.az