Hurriyyet.org xəbər verir ki, ABŞ-ın “Defensenews” adlanan məşhur hərbi jurnalı Türkiyənin dünyanın ən böyük silah sistemi istehsalçılarından birinə çevrildiyini yazıb.

Məqalədə yazılır: “Türkiyənin müdafiə sənayesi 4×4, 6×6 və 8×8 silahlı və zirehli vasitələr, hərbi tankalar və silah sistemləri istehsalında ixtisaslaşıb. Qlobal bazarlarda Türkiyənin müdafiə sənayesinin ən əsas nümunələri arasında 8×8 Pars, 6×6 Pars, 6×6 ARMA, 4×4 Cobra, VURAN, ALTAY əsas hərbi tankı və KAPLAN Orta ağırlıq sinifli tankı mövcuddur”.

Yazıda həm də Türkiyədə dövlət sektoru ilə özəl sektorun ortaqlığının uğurlu nəticələr verdiyi və  ölkənin ağır hərbi sənaye sahələrindən başqa, kiçik silah, raket, müasir elektron vasitələr və cihazlar sahəsində də irəliləyib püxtələşdiyi vurğulanıb. Məqalədə Türkiyənin texnologiyaların satışı məsələsində də uğurlu strategiya sahibi olduğu yazılıb.