Məkkənin əsas məscidi olan əl-Məscid əl-Haramda terror aktını xaricilər hazırlayırdılar.

Publika.az “Röyters” agentliyinə istinadən xəbər verir ki, bu haqda Səudiyyə Ərəbistanının Daxili İşlər Nazirliyi bildirib.

Nazirliyin məlumatına görə, terrorçuların hərəkətləri xaricdən idarə olunurdu. İdarə əmindir ki, ölkədə vəziyyətin destabilizasiyası hazırlanan hücumun hədəfi idi.

Qeyd edək ki, dünən müsəlmanların müqəddəs şəhəri olan Məkkədə terror aktı törətməyə cəhd edilib.Terror planlaşdıran şəxsi Məkkədəki evlərdən birində yaxalamaq mümkün olub. O, polis əməkdaşlarına atəş açıb. Daha sonra özünü partladıb və bu zaman girov götürdüyü 6 nəfər xəsarət alıb.Əməliyyat zamanı ümumilikdə 5 nəfər saxlanılıb. Onlar arasında qadın da var.

Amerika kəşfiyyatının məlumatına görə, terror aktlarını İŞİD terror təşkilatı planlaşdırıb. Lakin hələ heç bir qruplaşma hücuma görə məsuliyyəti üzərinə götürməyib.