ABŞ və müttəfiqləri Əfqanıstandan qoşunlarını geri çəkməyə davam edərkən, Pentaqon, ABŞ-ın bölgəyə olan bağlılığının dəyişməz olduğunu bildirib.

Pentaqonun mətbuat katibi Con Kirby jurnalistlərə açıqlamasında deyib ki, “əsgərlərimizi və qoşunlarımızı geri çəkməklə Əfqanıstandakı hərbi missiyamızı başa vurmağımız bölgəni tərk etdiyimiz anlamına gəlmir. Mərkəzi Komandanlığın məsuliyyət sahəsi Orta Şərqdə ABŞ-ın güclü varlığı ilə davam edəcək”.

ABŞ və koalisiya qüvvələri mayın 1-dən ölkədən çıxmağa başlayıb və bəzi hərbi bazalar əfqan qüvvələrinə təhvil verilib. ABŞ və koalisiya qüvvələri geri çəkildikcə, Əfqanıstan hökuməti ölkədə şiddətin artdığını bildirib.

NATO Baş katibi Yens Stoltenberq Estoniya Baş naziri Kaya Kallas ilə birgə keçirdiyi mətbuat konfransında NATO-nun Əfqanıstana sadiqliyindən söz açıb: “NATO qoşunlarının Əfqanıstandan geri çəkilməsi nizamlı və koordinasiyalı şəkildə davam edir. NATO Əfqanıstanla tərəfdaşlığına sadiqdır. Əfqan xalqına kömək göstərməyə və sülh səylərinə töhfə verməyə davam edəcəyik”.
Bu arada, Əfqanıstan təhlükəsizlik qüvvələri, keçən ilin eyni dövrü ilə müqayisədə son artımdan sonra 104 əyalətdə Talibanla mübarizə aparır. Əfqanıstan Milli Təhlükəsizlik Müdirliyinin (NDS) direktoru Ahmad Zia Sarac deyib ki, Taliban ilin əvvəlindən bu yana 3500 hücum həyata keçirib.

/azpolitika.info/

L.SƏMLA