“Report” UNIAN-a istinadən xəbər verir ki, bu barədə ABŞ Müdafiə Nazirliyindən bildirilib.

Məlumata görə, iclasda Rusiya ilə müharibədə Ukraynanı dəstəkləmək barədə fikir mübadiləsi aparılacaq.

Pentaqon rəsmisi bildirib ki, məxfi müzakirələrdə mövcud sistemlərin istehsalını sürətləndirmək və Ukrayna Müdafiə Nazirliyinə və ABŞ müttəfiqlərinə kömək etmək üçün yeni sistemlərin yaradılması təklif olunacaq.

“Müharibə bir neçə il davam edərsə, əsas diqqət Müdafiə Nazirliyi sənayesinin Ukraynanı dəstəkləmək qabiliyyətinə yönələcək. İclasda ABŞ-ın müdafiə sənayesindəki problemlər, o cümlədən işçi qüvvəsi çatışmazlığı müzakirə ediləcək”, - məlumatda vurğulanıb.

Həmçinin qeyd olunub ki, ABŞ Ukraynaya daha çox silah göndərməyə hazırdır, bu da əlavə hazırlıq tələb edir.