İyulun 20-si Moskva vaxtı ilə saat 00.00-dan etibarən Qara dənizdə Ukrayna limanlarına üzən bütün gəmilər potensial hərbi yük daşıyıcıları hesab ediləcək.

Axar.az xəbər verir ki, bu barədə Rusiya Müdafiə Nazirliyinin məlumatında bildirilib.

"Belə gəmilərin sahib olduqları ölkələr Ukrayna münaqişəsində Kiyev rejiminin tərəfində iştirak etmiş hesab ediləcək. Qara dənizin beynəlxalq sularının şimal-qərb və cənub-şərq hissəsində yerləşən bir sıra dəniz əraziləri naviqasiya üçün müvəqqəti təhlükəli elan edilib", - məlumatda qeyd olunub.

Xatırladaq ki, 17 iyulda taxıl sazişi başa çatıb və Rusiya sazişi uzatmaqdan imtina edib.