Rusiya Knessetdə İsrailin suverenliyinin İordan çayının qərb sahilinə qədər uzadılmasına dair qəbul etdiyi bəyannamənin yerinə yetirilməyəcəyini gözləyir, çünki onun icrası Fələstin-İsrail münaqişəsinin kəskinləşməsinə gətirib çıxaracaq.

Bu barədə "Report" Rusiya Xarici İşlər Nazirliyinə istinadən xəbər verir.

Nazirlik əlavə edib ki, İsrail parlamentarilərinin belə bir addımı Moskvada ən mənfi şəkildə qarşılanır.

“O, Fələstin ərazilərinin yekun statusu üzrə danışıqların nəticəsini faktiki olaraq əvvəlcədən müəyyənləşdirir və İsrailin “Oslo prosesi” çərçivəsində üzərinə götürdüyü öhdəliklərə, habelə BMT Baş Assambleyası və Təhlükəsizlik Şurasının müvafiq qətnamələrinin müddəalarına ziddir.

Rusiya tərəfi vəzifəni Yaxın Şərqdə sabitliyin təmin edilməsinin əsas elementi kimi İsraillə sülh və təhlükəsizlik şəraitində yaşayan müstəqil Fələstin dövlətinin yaradılmasından ibarət olan birbaşa Fələstin-İsrail danışıqlarının qurulmasında görür”.