Rusiya İstintaq Komitəsi Ukrayna Daxili İşlər naziri Arsen Avakova qarşı cinayət işi qaldırıb.

Bunu jurnalistlərə açıqlamasında komitənin rəsmi nümayəndəsi Svetlana Petrenko deyib.

Onun sözlərinə görə, cinayət işinin qaldırılmasına səbəb Avakovun prezident seçkisi zamanı Rusiya vətəndaşlarına səs verməyə maneələr yaratmasıdır.

Qeyd edək ki, martın 18-də Ukrayna polisi Rusiyanın bu ölkədəki bütün konsulluqlarını mühasirəyə alaraq seçicilərin buraya daxil olmasına maneə yaradıb. Sonradan əmri birbaşa Avakovun verdiyi bəlli olub/Axar.az.