Hurriyyet.org xəbər verir ki, yeni tipli koronavirus epidemiyasının yayılma sürətinin artması ilə yanaşı, öldürücülük qabiliyyətinin azaldığı aşkar olunub.

Sinqapurun Beynəlxalq Epidemiologiya Xəstəlikləri Təşkilatının başçısı Paul Tambyah deyib: “Virusun daha çox yoluxucu, lakin daha az ölümcül olmasını müsbət dəyişiklik hesab edə bilərik”.

Alim Çində peyda olmuş, SARS-a oxşar yeni tipli koronavirusun mutasiyaya uğramasından danışıb. D614G adlandırılmış yeni mutasiya başda Avropa və Amerika qitələri olmaqla, dünya miqyasında ən çox yayılmış Kovid-19 növüdür.

Araşdırmaçılar erkən dövrdə baş vermiş bu mutasiya səbəbindən Kovid-19-un yayılma sürətinin dördqat artdığını bildirmişdilər.

Paul Tambyahın fikrincə bu mutasiyanın müsbət nəticəsi olub. Tambyah faktların bəzi bölgələrdə D614G mutasiyasının daha az ölümlə nəticələndiyini göstərdiyini bildirib.