Avtomobil yolunun Qafandan Ağarak kəndinə qədər olan hissəsi tamamilə Azərbaycanın nəzarətinə keçib.

Virtualaz.org "Sputnik-Ermənistan"a istinadən bildirir ki, bunu bu gün Ermənistan parlamentində Qafan şəhərinin meri Gevork Parsyan deyib.

O bildirib ki, Azərbaycan hərbçiləri Sünik yaşayış rayonundan cəmi 100 metr, Qafan şəhərindən isə bir kilometr məsafədə yerləşirlər. Onun sözlərinə görə, həmçinin strateji əhəmiyyətli yüksəkliklər Azərbaycan Ordusunun nəzarətinə keçib.

Qeyd edək ki, yolun bu sahəsi də, bu yüksəkliklər də Ermənistan SSR-in keçmiş sərhədlərindən kənarda, Azərbaycanın Zəngilan rayonu ərazisində yerləşir. Yəni, Azərbaycan Ordusu Azərbaycanın suveren ərazilərinə nəzarəti bərpa edib.