Tanınmış siyasi analitik, BDU-nun müəllimi Tahir Cəfərli ilə Rusiya və ABŞ liderlərinin son görüşündən və həmin görüş fonunda Qarabağ ətrafında gözlənilən proseslərdən bəhs etdik.

-Putinlə Trampın görüşü dünyanın yenidən iki əks düşərgəyə bölünməsinin göstəricisidir. Onların dostluğu haqqında danışılanlar isə mifdir. Çünki öncəki söhbətlərimizdə də söylədiyimiz kimi, ABŞ-ın 45-ci Prezidenti proteksionistdir. Fikir verin, 20-lər görüşündə Avropa liderləri əsas məsələ kimi proteksionizmi ortaya atdılar. Sanki Rusiya yaddan çıxmışdı...Putin Yaponiya Baş nazirinə  Trampla görüşü haqqında dedi ki, onlar beynəlxalq terrorçuluq, Suriya, Yaxın Şərq və başqa məsələlərdən danışmışlar... Amma iki prezidentin 2 saatlıq danışıqlarının konkret bir nəticəsi yoxdur. Vahid bir məxrəcə gəlsəydilər, jurnalistlərin qarşısında çıxış edərdilər. Maraqlı bir fakt da odur ki, ABŞ-ın birinci xanımı Meliana Tramp bu danışıqların uzanmasına mane olmaq istəyib. Bunu ABŞ-n dövlət katibi bəyan etdi...

Bir sözlə, Avropa liderlərini 20-lərin görüşündə yalnız ABŞ proteksionizmi  narahat edirdi. Bu saat geosiyasətdə bu, ən aktual məsələdir. Avropa və digər ölkələrin çoxu ABŞ-ın diktəsi ilə yaşamaq xəttini tutur. Odur ki, D.Trampla V.Putinin görüşü iki düşərgə arasındakı uçurumun dərinləşəcəyindən xəbər verir...

- Allah rəhmət eləsin balaca Zəhra qızımıza və cəmi digər şəhidlərimizə...  Öncə Ağ Evin bu məsələdə aktiv rol oynamaq istəməsi haqda bəyanatlarına baxsaq, görərik ki, ABŞ-ın Qafqaza burun soxması və burada möhkəmlənməsi üçün ən lazımlı və işlək mexanizm Qarabağdır. Məqsəd Rusiyanı hərbi-siyasi güc olaraq Ermənistandan çıxartmaq üçün Qarabağ məsələsini həll etməkdir. İnanmıram ki, problemin Vaşinqtonun diqtəsi ilə həlli Azərbaycanın xeyrinə olsun...  

-Çünki Azərbaycanın dinc əhalisinə, körpələrimizə mərmi sıxanlar Qərbin tapşırığını yerinə yetirirlər ki, müharibə alovlansın. Azərbaycan ordusu erməni ordusunu qovmağa başlasın. Nəticədə Ermənistanın Qərbmeyilli qüvvələrinin çağırışı ilə NATO bu ölkəyə yardım üçün öz qoşunlarını buraya yeritsin. Bu isə yenə də Qarabağ probleminin uzanması və Azərbaycanın işğal altındakı torpaqlarının iki super gücün növbəti hərbi-siyasi qarşıdurma poliqonuna çevrilməsi ilə nəticələnə bilər...   

- Hazırkı Rusiya  hakimiyyəti Cənubi Qafqazda öz geostrateji maraqlarını tam təmin etmək üçün Qarabağ problemini beynəlxalq hüquq normaları, sərhədlərin dəyişdirilməməsi prinsipi əsasında həll edəcək. Başqa cür ola bilməz. Rusiyanın belində Qarabağ bir çibandır və o, bu çibanı sıxmalıdır. Onun yeganə yolu iki xalqı barışdırması, iki xalqı toqquşduranları cəzalandırmasıdır. Bu müharibəyə qarşı olan həm də İrandır. Qarabağ məsələsində Rusiya və İran eyni mövqedən çıxış edəcəklər. 

-Buna sadəcə, bir siyasi təzyiq forması  kimi baxıram. Çünki  Rusiya ehtiyat edir ki, Azərbaycan Qərbin təzyiqi ilə müharibəyə gedə bilər. Aydındır ki, bütün bunlar  həm  Vaşinqton, həm də Moskvanın Azərbaycanı öz düşərgəsində görmək istəyindən qaynaqlanır. Azərbaycan ciddi seçim qarşısındadır...