Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın tapşırığına əsasən, 1941-1945-ci illər Böyük Vətən müharibəsi veteranları evlərində ziyarət olunub.
 
Ovqat.com xəbər verir ki, məlumat Mehriban xanımın Telegram səhifəsi tərəfindən yayılıb. 


 
Məlumata görə, Mehriban Əliyevanın nümayəndələrilə görüşən müharibə veteranlarına 9 May - Qələbə Günü münasibətilə Böyük Vətən müharibəsində Qələbənin 75 illiyi (1945-2020) yubiley medalı təqdim edilib. 
 
“256 veteranın evində bayram süfrəsi qurulub, həmçinin onlara Heydər Əliyev Fondunun sovqatları çatdırılıb”,-məlumatda belə deyilir.


 
Qeyd edək ki, Birinci vitse-prezident bir gün əvvəl paylaşdığı təbrik mesajında veteranları bayram münasibətilə təbrik etmiş və pandemiya səbəbindən onlarla görüşə bilməyəcəyini bildirmişdi. Görünür, I Dünya müharibəsi veteranları yaşlarından dolayı koronavirus infeksiyasının risk qrupuna daxil olduğundan izoliyasiya rejimindən ayırmamaq üçün onlara hədiyyələr bu cür təqdim olunub.