Xəbər lenti


Ötən sutka ərzində erməni silahlı birləşmələri tərəfindən mövqelərimiz ümumilikdə 12 dəfə atəşə tutulub.

 

Ovqat.com-un məlumatına görə, bu barədə Müdafiə Nazirliyindən verilən açıqlamada bildirilir.

 

Məlumata görə, hücumlardan 3-ü Azərbaycan-Ermənistan dövlət sərhədinin Basarkeçər rayonunun Nərimanlı və Zərkənd yaşayış məntəqələri istiqamətində yerləşən mövqelərindən Ordumuzun Kəlbəcər və Laçın rayonları istiqamətlərində yerləşən mövqelərini atəşə tutmaqla baş verib.

 

Digər 9 hadisə isə Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstəsinin üzvləri tərəfindən Azərbaycan Ordusunun Ağdam, Xocavənd və Xocalı rayonları istiqamətlərində yerləşən mövqelərini fasilələrlə müxtəlif çaplı atıcı silahlardan atəşə tutmaqla qeydə alınıb.

 

Şəxsi heyət və texnikamızda itki yoxdur.

 




Ana səhifəyə qayıt        Baxış: 3 475          Tarix: 5-08-2022, 11:31      

Xəbəri paylaş


Paylaş:   

Prizma