Xəbər lenti

  

Xəbər verdiyimiz kimi Koronavirus xəstəliyinin yayılmasının qarşısını almaq məqsədi ilə Göyçay şəhərinə giriş-çıxış bağlanıb.

Bugün səhər saatlarından başlayaraq digər rayonlardan Göyçaya gələn maşınlar geri qaytarılıb.

Hal-hazırda digər rayonlarda olan Göyçay sakinlərinin şəhərə girişinə icazə verilir çıxışına isə icazə verilmir.

Lakin, digər rayondan olan vətəndaşlar Göyçaya daxil ola bilməz. Dövlət Yol Polisləri rayona giriş və çıxışa qadağa qoyub.

Ovqat.com-un məlumatına görə, bu gün səhərdən Gədəbəyə giriş məhdudlaşdırılıb.

Rayon icra hakimiyyətinin mətbuata verdiyi məlumata əsasən, rayonunun girişində yerləşən Xar-Xar kəndi yaxınlığında post qurulub: “Maşınların giriş və çıxışı dayandırılıb. Buna səbəb koronavirusa yoluxmanın qarşısını almaqdır”.

Naxçıvan MR-in də giriş qapıları bağlanıb.

AZAL-dan “Report”a bildirilib ki, Bakıdan Naxçıvana yalnız Naxçıvan Muxtar Respublikasında daimi yaşayan sərnişinlər uça bilər:

"AZAL" aviaşirkətinin müntəzəm reysləri həftədə bir dəfə, cümə axşamları yerinə yetiriləcək. Bakıdan uçuş vaxtı saat 13:10-da müəyyən edilib. Reyslər Heydər Əliyev Beynəlxalq Aeroportunun 2-ci Terminalından həyata keçiriləcək. Yalnız adlarına aviabilet əldə edən sərnişinlərin aerovoğzal binasına daxil olmasına icazə verilir. Digər şəxslərin, o cümlədən müşayiət edən (qarşılayan/ yola salan) şəxslərin aerovoğzal binasına girişi qadağandır;

- insanların bir yerə sıx toplaşmasının qarşısının alınması məqsədilə "AZAL"ın şəhərdəki aviabilet satış ofisləri bağlıdır, Bakıdan Naxçıvan istiqaməti üzrə reysə aviabiletləri "AZAL" aviaşirkətinin saytından əldə edə bilərsiniz (www.azal.az);

Aviaşirkətə məxsus satış ofislərindən əldə olunan aviabiletlər yalnız həftənin cümə axşamları günləri Heydər Əliyev Beynəlxalq Aeroportunun 2-ci Terminalının satış kassasında geri qaytarıla və dəyişdirilə bilər;

- "AZAL" aviaşirkətinin rəsmi saytından əldə olunan aviabiletlərin geri qaytarılması və ya dəyişdirilməsi ilə bağlı suallarınız üçün callcenter@azal.az elektron poçt vasitəsilə dəstək xidmətinə müraciət edə bilərsiniz;

Naxçıvandan Bakıya uçmalı olan Azərbaycan vətəndaşları üçün qaydalar:

- Naxçıvandan Bakıya yalnız Bakıda və ölkənin digər bölgələrində daimi yaşayan sərnişinlər uça bilər. Naxçıvandan uçuş vaxtı 15:30-da müəyyən edilmişdir.

- Naxçıvan Muxtar Respublikasında daimi yaşayan Azərbaycan vətəndaşlarının Bakıya uçub gəlmələri qadağandır;

- xarici vətəndaşlar üçün Naxçıvandan Bakıya uçub getmək qadağandır;

- Bakıya gələn bütün sərnişinlər mütləq qaydada karantinə yerləşdirilir.

“AZAL" aviaşirkəti bir daha vətəndaşları kəskin ehtiyac olmadan evlərindən çıxmamağa və hava yolu ilə səyahətlərdən çəkinməyə çağırır. Aviaşirkət dünyanın əksər ölkələrinin qarşılaşdığı hazırkı fövqəladə vəziyyətdə daha təmkinli olmağı və görülən tədbirlərə anlayışla yanaşmağı xahiş edir”.




Ana səhifəyə qayıt        Baxış: 2 306          Tarix: 27-03-2020, 16:54      


Paylaş: