“Biz birlikdə güclüyük” aksiyası çərçivəsində Bakıətrafı qəsəbə və kəndlərdə, İsmayıllı rayonunda ərzaq sovqatları paylanıb.
 
Ovqat.com xəbər verir ki, bu məlumatı I Vitse-prezident Mehriban xanım Əliyeva öz Telegram səhifəsində paylaşıb.
 
M. Əliyevanın yazdığına görə, “Biz birlikdə güclüyük” aksiyası çərçivəsində məcburi köçkünlərin məskunlaşdığı "Qobu Park" yaşayış kompleksində, Bakıətrafı qəsəbə və kəndlərdə aztəminatlı ailələrə ərzaq sovqatları paylanıb. Aksiya eyni zamanda İsmayıllı rayonunda aztəminatlı və digər həssas kateqoriyadan olan ailələti əhatə edib.
 
Aksiya karantin rejimi müddətində davam edəcək. Layihənin əsas donoru Heydər Əliyev Fondudur.