Gürcüstanın sabiq prezidenti Mixail Saakaşvili Ukrayna Prezidenti Vladimir Zelenskinin baş nazirin müavini vəzifəsi təklifini qəbul edib.
 
Ovqat.com xəbər verir ki, bunu M.Saakaşvili hakim “Sluqa naroda” partiyasının deputatları ilə görüşü zamanı deyib.
 
M.Saakaşvili bildirib ki, V.Zelenski ona Beynəlxalq Valyuta Fondu ilə danışıqlar aparmağı tapşırıb, çünki Ukrayna iqtisadiyyatında faciəvi vəziyyət yaranıb.
 
 Xatırladaq ki, bir neçə gün əvvəl Vladimir Zelenski Mixail Saakaşviliyə baş nazirin islahat məsələləri üzrə müavini vəzifəsinə təklif edib.
 
Mixail Saakaşvili 2015-2016-cı illərdə Ukraynanın Odessa vilayətinin qubernatoru və prezident Pyotr Poroşenkonun müşaviri işləyib.