"Nahçıvan Özerk Cumhuriyeti'nin Azerbaycan Cumhuriyeti'ne katılması şarttır, tarihi zorunluluktur, çok acil bir ihtiyaçtır."
 
Ovqat.com xəbər verir ki, bunu Türkiyənin hakimiyyət ortağı olan MHP sədri Dövlət Baxçalı bildirib.


 
Nəzərə alsaq ki, Naxçıvan MR Azərbaycana bağlıdır, MHP liderinin fikirlərindən ancaq bu nəticə çıxarmaq olar: “Naxçıvanın muxtar statusu Dağlıq Qarabağda suverenlik haqqlarının bərpasından sonra ciddi problem yarada bilər. Odur ki, Muxtar Respublika təcili öz statusundan imtina etməlidir.
 
Qeyd edək ki, Naxçıvan Türkiyənin qarantorluğu altında bu statusa yiyələnib. İndi Ankaradan bölgə hakimiyyətinə göndərilən bu mesaj ciddi qəbul olunmalı və lazımi addımlar atılmalıdır.

O da mümkündür ki, Dövlət Baxçalı Azərbaycanla Naxçıvan MR arasındakı torpaq sahəsinin götürülməsini və Naxçıvanın 30 illik blokada şəraitində qalmasına son qoyulmasını nəzərdə tutur.