Xəbər lenti
 
Rusiya ordusunun Cənub hərbi bölgəsinə bağlı döyüş təyyarələri və havadanmüdafiə birlikləri Ermənistanda hərbi təlimlərə başlayıb.
Ovqat.com-un xəbər verir ki, bunu hərbi bölgənin sözçüsü Vadim Astafyev rus mətbuatına açıqlamasında bildirib.

Onun sözlərinə görə hərbi manevr müharibəyə hazırlıq vəziyyətini yoxlamaq üçün keçirilir.
Manevrin Rusiya hərbi bazasının yerləşdiyi Erebunadakı havadan müdafiə birliklərinin və döyüş təyyarələrinin qış təlimi çərçivəsində başladığını deyən Astafyevin bildirdiyinə görə, təlimdə hərbi obyektlərin qorunması, çətin hava və torpaq şəraitində hədəflərin vurulması məşq olunacaq.
Sözçü, dağlıq sahədəki Kamxud və Alagyaz poligonlarındakı ərazi şərtlərinə uyğun hava hədəflərinin əngəllənməsi və nəzarət altına alınması üçün raketdən müdafiə komplekslərinin də təlimə qoşulacağını bildirib.
Manevrdə 500-dən artıq əsgər, Buk-M raket qurğusu, S-300 havadan müdafiə sistemi, MiQ-29 qırıcı təyyarələri və bu kimi 100-dən çox hərbi vasitə iştirak edır.



Ana səhifəyə qayıt        Baxış: 678          Tarix: 19-04-2017, 23:16      


Paylaş: