Naxçıvan Muxtar Respublikası Şərq Döyüş Sənəti Federasiyasının daha bir rayon bölməsi fəaliyyətə başlayıb.Ovqat.com "Şərq qapısı" qəzetinə istinadən xəbər verir ki, Kəngərli və Culfa rayonlarından sonra federasiyanın Şahbuz rayonunda da kikboksinq bölməsi yaradılıb. Burada məşqçi-müəllim Etibar Qəribovun rəhbərliyi altında 15-dən çox uşaq və yeniyetmə bu idman növünün sirlərini öyrənir. Artıq bölmə müəyyən kikboksinq avadanlıqları ilə təmin olunub.