Türk Silahlı Qüvvələri və Azad Suriya Ordusu daha 3 kəndi PKK/PYD silahlılarından təmizləyib. Beləliklə, bu gün alınan kənd sayı 5-yə yüksəlib.

Ovqat.com xəbər verir ki, ən son alınan 3 kəndin adı da açıqlanıb: Orta Çaqqallı, Eşkan və Cukali Favkani.

Bundan əvvəl isə TSQ Dükkan və Nisriyyə kəndlərini separatçılardan azad etdiklərini açıqlamışdı.

TSQ-nin və əməliyyata dəstək verən ASO qüvvələrinin hərəkatın əvvəlindən bu yana Afrinin 5 mahalında 1-i qəsəbə mərkəzi, 29-ü kənd, 3-ü kəndətrafı yaşayış məntəqəsi və 13-ü strateji yüksəklik, yaxud təpə olmaqla 46 nöqtəni xilas etdikləri bildirilir.