Xəbər lenti


Türk mühəndislər tərəfindən rekord sürətlə istehsal edilən və dünyaya ixrac olunan yerli süni tənəffüs aparatından sonra daha bir uğur əldə edilib. Türkiyə ilk dəfə rəsmi olaraq “COVID-19”a qarşı sintez dərmanın hazır olduğunu bəyan edib.

Baki-xeber.com-un xəbərinə görə, bu barədə Sənaye və Texnologiyalar naziri Mustafa Varank açıqlama verib. 

O,  “32 nəfərlik komanda ilə qırx gün kimi qısa bir zamanda yerli və milli olaraq öz sintezimizlə hazırladığımız çox vacib bir dərmanı istehsal etdik”, - deyə açıqlamasında bildirib.

Nazir dərmanın lisenziyalaşdırma mərhələsində olduğunu deyib və bunun onlar üçün həm sevindirici, həm də qürurverici bir hal olduğunu qeyd edib.

Yerli sintez dərman lisenziya verildikdən sonra “COVID-19” xəstələrinin müalicəsində istifadə ediləcək. Dərmanın ixrac olunması da planlaşdırılır.



Ana səhifəyə qayıt        Baxış: 4 155          Tarix: 12-06-2020, 15:05      

Xəbəri paylaş


Paylaş:   

Prizma