Noyabrın 2-də Milli Məclisin növbəti plenar iclasında məhkəmələrə yeni hakimlərin namizədliklərinin təsdiqlənməsi ilə bağlı 7 məsələ müzakirəyə çıxarılıb.

Avropa.info xəbər verir ki, müzakirələr zamanı millət vəkili Zahid Oruc bildirib ki, ölkədə alternativ cəzaların sayının artmaması narahatlıq doğurur.

Onun sözlərinə görə, son zamanlar məhkəmələrdə bəraətlə bağlı hansı qərara, hökmə rast gəlinməyib.

“Alternativ cəzaların verilməsi nəzərdə tutulur. Ən azı 10-a yaxın alternativ cəza növü var. Amma bunlara rast gəlmək gəlmək olmur”.  Z.Orucun çıxışına yerdən bəzi deputalar tərəfindən etirazlar olub. Bu isə millət vəkilini əsəbləşdirib: “Siz nəyə, kimə etiraz edirsiniz? Bütün günü parlament dəhlizlərində hakimlərdən narazılıq etmirsinizmi? İndi nə olub? İstəmirsinizsə, iclasa gəlməyin. İmkan verin danışaq”.

Spiker Oqtay Əsədov da deputatı çıxşını bitirməyə çağırıb: “Kiməsə dərs keçmə”.