“Ölkədə karantin müddəti avqustun 1-dək uzadılsa da, xaricdə olan vətəndaşların Azərbaycana gətirilməsi prosesi davam etdiriləcək”.
Oxu.Az xəbər verir ki, bunu Nazirlər Kabineti yanında Operativ Qərargahın KİV nümayəndələri üçün keçirilən brifinqində Leyla Abdullayeva deyib.
Onun sözlərinə görə, bəzi ölkələrin Azərbaycana aviareysləri bərpa edilməsi ölkələr arasında razılıqla həyata keçirilə bilər: 

“Bu günə qədər xarici ölkələrdə müvəqqəti yaşayan vətəndaşların Azərbaycana gətirilməsi istiqamətində danışıqlar aparılıb. Artıq bəzi ölkələrdəki vətəndaşlarımızın ölkəyə gətirilməsi də həyata keçirilib. Bu proses mərhələli şəkildə aparılacaq və digər ölkələrdən də ortaq razılıq əsasında vətəndaşlar Azərbaycana gətiriləcək. Bunun karantin rejimində dayandırılması gözlənilmir. Amma sərhədlər avqustun 1-dək bağlı olacaq. Beynəlxalq reyslər isə qarşılıqlı razılıq əsasında bərpa oluna bilər”.